Kam chibynta wow lehkmen ya ka sngikha u Mahatma Gandhi namo ka Gandhi Jayanti, neiliang ki bor District ka West Jaiñtia Hills daw pynman ki yei pynkhooid chnong namo ka Cleaning Drive mynstep ka 30 tarik neidaw wa ka 2 tarik u Naichiphaw haap ko ha ka sngi Bibar.
Ki thaw wa daw pynman yei pynkhooid chnong toh kiwa haap hapoh ka Dorbar Chnong Tympang Iawmusiang wa kynthup ya ka yaw ka CNI, Seiñ Raij wa ka yaaw ka Jowai Presbyterian (Yaaw Chyiap).
Kamtæ u Deputy Commissioner da phah u ya waroh kiwa chong chnong, kiwa chong yaaw, kiwa chong dukan wa em hapoh Iawmusiang wow chimbynta ha kani ka pynkhooid chnong kawa daw sdang nadooh 8:00 waje i step na pchem ka yung krehkaam u Deputy Commissioner Office (Election).
Yow lai bait ini i pynkhooid chnong daw khang yei psiah ki kari nadooh 8:00 waje i step hadooh 11:00 waje i step ha kini ki thaw wa pynman ya ka pynkhooid chnong. Tangwa daw pynlait ya ki kari wa kit bru wakjut. Waroh ki thaw pynyieñ kari ha ini ki por u man ki kiwa khang.
U Deputy Commissioner da ong u leh wa ym toh wow wanrah yei jhep na yung yow noh ha yaaw ha ini i por wa pynkhooid chnong.
