U Montri Rangbah ka jylla, u Conrad K Sangma ynne kam chibynta yong i dap 75 snem u (T) Purno Agitok Sangma, da pyntip u wa waroh ki yung wa pawnaam wa da chna heipor u Purno daw chna pynmiat lut ya ki da ka sorkar.
Hawa lai pait ya ka Tura Super Market, ya kawa da wai da u (T) Purno Agitok Sangma ha Tura, West Garo Hills ha u 1998, u Conrad da ong u wa kani ka Super Market toh kawa da pynkha da u PA Sangma wa ki paidbah ka Ri-loom Garo.
Kani ka yaaw wa soo mala toh kawa da wai la kamwa arphaw snem wei man ko kawi na kiwa heh dooh ha ka thaaiñ mihsngi ha kitu ki por hawa nujor waka chnong Tura kawa dang khian ha itu i por.
U Conrad da ong u wa kani ka yaaw da emkaam wow pynmiat dur noh ya ka wei ka sorkar daw sdang noh ko wow chna pynmiat noh ym du yei dur wot hadooh ki paikhana leh kamjooh. Chooh chooh da ong u wa ka sorkar daw jied ko ki rukom chna pynmiat wei daw booh leh ya ka bhah poisa neibynta ka jylla waroh kawi.
Ha kani ka sngi u Conrad da yaklam u leh ya ki tre dukan wei da ap u leh yeiwa pynsñiaw ki heiyatoh wa kani ka yaaw.
