Guwahati : Ki nongtem wa pawnaam na ka ri Denmark ki wa da tip kam ki ‘Micheal Learns to Rock’ daw wan pynwyrngia ki ya ki paidbah ha ka sorbah Guwahati ha ka 13 Kmaichonglad wa ha Dimapur ha ka 15 tarik u jooh u bnai.
Kamwow pynkynmoo kani ka dhab tem Micheal Learns to Rock da dep wan hiar kjat ko la arsien ha ri India. Ha u Naikhynde 2005 da wan ki ha Shillong weiwa ki rwai wa record ha ka concert ki ha Shillong da booh ya ki leh ha ka thup rwai kawa tip kam ka “The Live Musical Adventures of Michael Learns to Rock-I Walk This Road Alone”
Kani ka dhab tem da seiñ ya ka ha u snem 1988 wei da dep dai ko hadooh 11 million tylli ki album sur yong ki. Kani ka kynhun tem man ko wa ka-it bha ki bru khamtam cha i cheini kamjooh hapoh Asia hi waroh kawi.
Iwi na ki sur yong ki wa tip pyrtuit “Take me to your heart” da dep thied ki bru ki hadooh 6 million sien deiwa download ya i. Wei wa da man kam i wi na ki sur wa khlan dooh ki bru u download ha u snem 2006.
[youtube id=”TbLT12eg-lw” align=”center” mode=”normal” autoplay=”no” maxwidth=”1170″]
Discussion about this post