15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

E sumar mynkna ka Shilong Mizo Church ha Chyrmang

0 Comments
Advertisement ad1
Advertisement ad1
Advertisement ad1

Jowai : Ka Shilong Mizo Church (Presbyterian) ynnin ka 21 tarik da pynman ko yei sumar mynkna yaki nongchong chnong ka chnong Chyrmang, West Jaintia Hills District, kawa da tip kam ka “Medical Camp Crusade” ha Chyrmang Wah Government L.P.School.

I pynman ya kani ka e sumar mynkna man ko kam chi bynta wow chakri para bru kiwa em hapyrdi i chitom i saja iwa man leh kam i kaam chakri blai.

Advertisement ad1

I ye ka Shillong Church wow pynman ya kani ka Medical Camp toh lyngba i yarap ki Partnership Missionary Mizo Synod wa ka KJP Assembly kiwa kynthup ya u T. Boiliana wa pait cha Mynso, u Lalminga Thianglai wa pait cha West Khasi Hills, u L.Sanai wa pait ha Jowai wa arngut ki kynthai ka Kimi wa pait cha Mookaiaw wa ka L.Zote wa pait cha Pariong.

Ynme ka sngi ki Doctor wa wan e sumar kynthup ki ya u Dr.Kevin, Dr.David, Dr.Pekan wa ka Dr.Rosiana. Da emlang ynne ka sngi u Tymmen Wasan ka Shillong Mizo Church u retired Prof. C. Numthara, ki Tymmen Wasan ka balang Jowai wa kiwi kiwi.

Kani man ko ka sien wa 3 wa ka Shillong Mizo Church da pynman ko kam kani ka e sumar mynkna heiwa ha ka sien wa nyngkong da pynman ki ha ka chnong Dongkingding wa hap ha West Khasi Hill, wa ar ha ka chnong Latymphu, West Jaintia Hills District wa ha kani ka sngi won ha chnong Chyrmang ha kawa da em hadooh kamwa 104 ngut ki paidbah kiwa wan chim bynta.

U Dr.Kevin ynne ka sngi da lai pait u ya kawi kawa kjut kawa yap chilliang (paralyses) nei bynta tidiang ka kong Ribha, kawa da yoh yeini kjut la kamwa soo snem, da ong wa da jooh thiah hospital ko tangwa ym em wot u yarap. Uni u Doctor da e dawai u ya ka ki dawai wei da kyntu u ka leh yow pyrchang pynkhih ya ki kti yong ka.

Share this:
Previous

Wiar kawi ka khynnah wa dang 11 snem

Next

Daw pynwyrngia ka MLTR ha Guwahati