“Daw pyrchah i ya ka Toll Gate lada ka GRIL ym su ko ya ka bai lutsan ki paidbah”-EJNC

Khliehriat: Hadien i wym ye ka GR Infrastructure Ltd (GRIL) wow su ya ka bai lutsan (Compensation) cha ki paidbah kiwa da chah ktah ha i pynheh ya u Sarokbah NH 44 nadooh Soomer, West Jaiñtia Hills ter ter chadooh Malidor hadooh kini ki sngi, neiliang ka East Jaiñtia National Council (EJNC) – Central Executive Council da pynsñiaw ko yei pyrchah wa joor hajrong ini i leh kani ka Company ya ki paidbah kiwa da chah ktah ha i pynheh ya uni u sarok.

Heijooh i por ka seiñ da kyntu ko ya u Deputy Commissioner ka East Jaiñtia Hills District wow chimkhia ya ini i eh i khoo wa yachem ki paidbah nei pynheh ya u sarokbah NH-44 khamtam ya ki manyung wa dooh.

Ka EJNC da klam che ko leh wa lada ka GRIL lyngba ka yungkrehkaam u DC ym su ko ya ka bai lutsan ki paidbah kiwa chah ktah ha i pynheh ya uni u sarok chwa wow wai ya ka Toll Gate wa em ha Lumchnong, East Jaiñtia Hills neiliang ka seiñ daw mih ko chakmat wow pyrchah ya kani ka Toll Gate kawa ka GRIL daw pynkrehkaam noh ko.

“Kammon u pdiang i ya katai ka Toll Gate hawa ki paidbah ym pu yoh ki ya ka bai lutsan” da ong u Sambormi Lyngdoh, President ka EJNC.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha iwi won i liang ka seiñ da kyntu ko ya ka sorkar Meghalaya Democratic Alliance (MDA) wow lai sylli yei rukom kreh ka GRIL khamtam cha ki thaaiñ Narpuh, kam ha ki chnong Kuliang ter ter heiwa boon na ki paidbah da ujor ki yei kreh habra kani ka Company khlem pyrkhat yei maa iwa yang ya kiwa chong chnong hadien.