Da pynkylla noh ka sorkar pyrdi yei pyrtuid yong ka Agartala Airport cha i pyrtuid yong u Syiem warim ka Tripura

Jowai: Ka Union Cabinet wa da khlieh da u Montri Rangbahdooh ka ri, u Narendra Modi ynne ka sngi da mynjur ki wow kylla yei pyrtuid ya ka Agartala Airport wa em ha Tripura cha ka ‘Maharaja Bir Bikram Manikya Kishore Airport’, Agartala.

Ya kani ka rai da chim hadien wa da slem em i dawa na ki paaid ka Tripura kamjooh ka sorkar Tripura wow pynneh yei pyrtuid u syiem ki u Maharaja Bir Bikram Manikya Kishore.

U Maharaja Bir Bikram Manikya Kishore, toh uwa da ku khet ka Tripura ha u snem 1923, wei da man u leh u syiem wa chemphang wa uwa bha mynsien. Ya ka Agartala Airport da chna ha u snem 1942 ha i thaw wa da e uni u syiem wei da man u leh u bru wa da uiñ kylleiñ ka pyrthai wei da chim u leh boon ki laad ki luti wow wanrah ya ka roi ka paar hapoh Tripura.

Nei kreh chitom yong oo da chna ya ka Aerodrome ha Agartala wei katni da man ko ka Airport wa ar wa boon kaam dooh ha ka thaiñ mihsngi kawa da yarap wow pynyabi ya ka Tripura wa ya kiwi ki bynta ka ri.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Kamtæ ka sorkar pyrdi da sñiaw biang ko wow pynkylla noh yei pyrtuid kani ka Airport hei pyrtuid u Maharaja Bir Bikram Manikya Kishore.