theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Daw pyrchah ka HYC yei sdang khayi biang waka ri Bangladesh

Shillong: Ka Hynniewtrep Youth Council (HYC) Ri-war Mihngi Circle da rai ko wow pyrchah bait ha ka 8 tarik lada ka sorkar elaad ko wow khayi wa ka ri Bangladesh kat wympu ye u pynche paidbah wa ym chah ktah ki na ka khlam u COVID-19.

U President ka HYC Ri-War, u Edmund Khongngai da ong u wa ka sorkar toh u pynche paidbah wei wow phyllu yumut ko wa kiwa pynlai chnong kiwa em ha chi lynter ka khappood ka Bangladesh, deiwa ong leh wa ini i leh ka sorkar da lailait i ya ki bor chnong deiwa pyrkhat wow myntoi du ki kattu katni ngut ki heh spah.

Da ong u wa lada u symbood montri rangbah ka jylla, uwa man leh u MLA ka Pynursla ye u wow phyllu yumut wa ki bor chnong chwa wow pyndam ya ka Curfew na ka thaaiñ ha uni u bnai, iyi won wa eh wow leh u kamjooh wow ap ya ki chnong khnang wa ym chah ktah ki namo ym booh i hei maa ya ka paidbah.

Da ong u wa ka seiñ ym pyrchah ko yeini i thmu ka sorkar wow sdang noh ya ka khayi pateiñ lyngba ka khappood, neibhah wa man ko kawi na ki laad wow pynyoh nong ya ka sorkar jylla, tangwa emkaam wow pynche ko ya ki paidbah, khamtam heiyatoh wa ki laad yada, ki Quarantine Centre neibynta kiwa yah kari kiwa lai cha chilliang u pood neibhah ini daw booh i hei maa ya ki paidbah ka thaaiñ mihsngi kiwa em ha East Khasi Hills wa ha Ri-war Jaiñtia ha West Jaiñtia Hills kiwa man ki thaw wa haap lai lyngba ka Dawki.

Chooh chooh da ong u wa hanlada ki paidbah cha kini ki thaaiñ dang duna i sñiawthooh ki kammon wow leh kam ha kini ki por, tangwa ha kin ki 2 bnai tam da kreh lang ki wa ka sorkar wow lait nei chah ktah ha ka khlam, katwa katni won ka sorkar ym kwah ko wow kreh lang wa ki paidbah hajrong ini i thmu wow sdang noh yei khayi pateiñ.

Share this:
Previous

Da pynkrehkaam biang yaka Night Curfew ha West Jaiñtia Hills nadooh i miet ka 6 tarik

Next

Dawa ka BJP wow pyndam ya u bru wa thung kam u Adviser ka JHADC wa KHADC