Jowai : Ki kari kamai Tourist ka thaiñ Amlarem ha kani ka 2 Naitung (April) daw dam ki u kamai kari neidaw wa em ka yalang ka seiñ ki tre kari wa kiwa yah kari hapoh ka seiñ Chekri Diam Drivers and Owners’ Association.
Katkam ka khubor wa yoh na u President ka seiñ u ma V. Myrchiang da ong u wa ya ka yalang ka seiñ daw pynman ha ka Enowell Hall, Amlarem yow yaklam ya ki kaam wa boon yong ka seiñ. Kamtæ da kyntu ya ki paidbah waroh u yaichah ki wa ka seiñ nei bynta katai ka sngi.
Ka Seiñ da ong ko leh wa ym khanglad ko ya kiwi ki kari kamai na kiwi ki thaw ha katai ka sngi u kmai yow lait ki paidbah u chitom wa dooh kari ki.
Katwa ya ki dkhot ka seiñ da pyntip wa waroh toh u wan ki cha katai ka yalang wiewa lada em wa leh pyrchah yei rai ka seiñ daw pynchitom ya ki katkam ki aiñ ka seiñ.
Discussion about this post