15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Daw sdang krehkaam noh ka karkhana pynmih syiñ ha Meghalaya kawa nyngkong dooh ha ka thaaiñ mihsngi

Advertisement ad1
Advertisement ad1
Advertisement ad1

Ka “Ginger” Processing Plant namo ka karkhana wow chna pynbha pynmiat ya u syiñ kawa nyngkong dooh ha ka thaaiñ mihsngi ka ri daw pynkhai im biang ya ka ha Ri-Bhoi District nadooh u 2021. Yeini da pyntip ha ka yalang yong ka North Eastern Regional Agricultural Marketing Corporation (NERAMAC) da u Minister of State (Independent Charge) Development of North Eastern Region (DoNER), u Dr. Jitendra Singh.

Da ong u wa kani ka Ginger Processing Plant da sdang ha u snem 2004 tangwa da neh ko khlem pynkrehkaam da boon snem wei ha kani ka kynti ka NERAMAC da bahkhlieh ko wow pynkrehkaam biang ya kani ka karkhana lyngba ka PPP mode.

U Dr. Jitendra da ong u wa kani ka karkhana em ko ha ka Export Promotion Industrial Park (EPIP), Raja Bhagan, Byrnihat heiwa daw pynkhreh pynkhooid, pynbha ya u syiñ, daw pynmih leh kiwa boon ki jait na u syiñ wot ya u Waxed Ginger, Ginger Paste, Ginger Powder, Ginger Flakes, Ginger Oil wa kiwi kiwi.

Da ong u wa u syiñ da naam bha u ha ki bnai wa dadep neibhah wa da ngait wa em u ki dawai wa ye u yada na u khñiang COVID-19 yeiwa u montri rangbahdooh ka ri leh da klam u yeini ha ki bnai wa dadep.

Ki mar wa pynmih na u syiñ ha kani ka karkhana ym du u pyndap ki yeiwa emkaam hapoh ka ri tangwa daw man ryntih ko leh yei thong krehkaam u Modi iwa ong “Vocal for Local”.

Neiliang u Manoj Kummar Das, Managing Director, NERAMAC da khana u wa ka thaaiñ mihsngi pynmih ko hadooh 450,000 Metric Ton u syiñ wa miat dooh man u snem tangwa da dai toh dor ya oo neidaw wa duna ki karkhana wa ki thaw booh ya oo namo ki Cold Storage wei deiwa em kani ka karkhana hapoh Meghalaya daw yarap bha ko ya ki warep na ka jylla.

Share this:
Previous

Kynmoo warom ka MPUF ya u Kiang Nangbah

Next

Rai ka sorkar pyrdi wow chah u chalan ya u Akash SAM