Jowai : Ka lympung yalehbol Super Division wa tip leh kam ka Kiang Nangbah Memorial Trophy u sdang ya ka mynstep ka 4 tarik ka wow pynman man ka sngi lait noh ka sngi Bibar heipor 2:45 nohchariñ ka sngi.
Ha uni u snem da em 8 tylli ki dhab wa wan chimbynta wei ynnin u snem da jop ya ka Super Division da ka Sohmynting SC deiwa pynrem ko ya ka Sabah Muswang SC. Mynstep u sdang da ka yalehke ha pyrdi ka Sohmynting SC Vs. Ladthalaboh SC
Ya ka Second Division wa tip leh kam ka 1st Debo Shullai Memorial Trophy won u sdang na dooh ka 5 tarik uni u bnai heipor 12:30 pyrdi sngi wei da wan chimbynta 16 tylli ki dhab. Ya ka yalehke wa nynkong u pynman ha pyrdi ka ka Lumiawmuchai Shangpung Vs. Mustem East.
Ynnin u snem ya kani ka Second Division da rah da ka Phramer SC deiwa pynrem ko ya ka 7 Wasa.
Ya pynar tylli kini ki Division da pynman da ka West Jaiñtia District Sports Association ha Kiang Nangbah Stadium, Ladthadlaboh, Jowai.
Discussion about this post