Ynne ka sngi da ya soi yaka suskular Memorandum of Understanding (MoU) hapyrdi ka chnat pulit waka SBI yow pynemkaam da ki e-Challan hapoh u pood krehkaam ka Shillong Traffic Police (STP).
Ya ki e-Challan daw pynkrehkaam noh ha ki sngi wow wan heiwa yaka kuna kiwa da pyndaiñ ha kitu kiwa tyngkheiñ aiñ daw man noh ko dei Digital. Ya kani u pynkrehkaam deilang waka VAHAN & SARATHI Applications heiwa ini daw yarap ko ya ki pulit Traffic wow yoh yutip ki chaphang kitu kiwa tyngkheiñ yaki aiñ yah kari nadooh chaphang ka kari, ki License uwa yah kari iwa daw pynduna yei chimpor wow e yaki Challan.
Ya i su yaka kuna ye wow leh pyn ha i thaw wa chah ksoh lyngba ka Card Payment deiwa pynemkaam ha ki kor Point of Sale (POS) kiwa da em ha ki pulit; ye leh wow su ha ki Traffic Branch deiwa rah yaki e-Challan wa da yoh cha ki chnat krehkaam ki pulit Traffic.
