15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Daw sdang noh u hær ki lieñsuiñ na Shillong cha Delhi ha u bnai wow wan

U Montri Rangbah ka jylla u Conrad Sangma da yachem u wa u Union Minister of State (Independent Charge) Development of North Eastern Region (DoNER), MoS PMO, Personnel, Public Grievances, Pensions, Atomic Energy and Space, u Dr. Jitendra Singh ha Delhi yow yaklam heiyatoh wa ki kaam ha ka jylla kiwa da kyrchaan poisa daka sorkar pyrdi.

U Dr. Jitendra Singh da yaroh u yei rai wa nadooh u bnai wow wan daw sdang noh yaki lieñsuiñ ki wow hær bait sak na Shillong cha Delhi. Da ong u wa ini toh i emkaam iwa da sah da slem yaka Shillong kawa jooh man kam ka nongbah ka Assam wei toh hok wow yoh ko ya ini.

I em ki lieñsuiñ kiwa hær na Shillong cha Delhi, da ong u DoNER Minister, daw pynsuk ko yei lai i wan khamtam yow pynku yaki kaam uiñke suwari hapoh ka jylla. Da ong u leh ki thaw sah (Resort) kiwa uiñke suwari kiwa em haka thaaiñ Northeast wa kyntup ha Meghalaya katni toh kiwa da thooh bha ki bru neidaw wa duna i chah ktah ha ka khlam COVID-19, kamtæ ini i rai daw yarap ko leh ya kiwa boon ki bru kiwa kreh ha kiwi ki jait kaam.

U Dr. Jitendra Singh da khana u leh ya u Conrad Sangma wa u Prime Minister Narendra Modi leh chimkhia u dei yong oo samen heiyatoh waki jylla ka Northeast. Wei hei phah u Prime Minister da pynlut yei por wow pynbha yow pynyabi lynbga ki sarok khamtam ki Airport, ki luti rel hadooh i lai luti lynga ka um.

Neiliang u Conrad da booh u hakhmat u Dr. Jitendra Singh ya ki kaam wow tyrwa sdang hapoh ka Ministry of Development of North Eastern Region (DoNER) waka North Eastern Council (NEC). U Union Minister da pyntikna u ya u Conrad wa ya iwa tyrwa u daw pait yaki.

U Conrad leh da pynsñiaw u yei sñiawngooh yei chimkhia ka DoNER Ministry wow pait yeiwa emkaam ka jylla, wei da yaklam leh yow pynku yei bhah poisa wa toh u yoh.

Advertisement ad1
Share this:
Previous

Sñiawkhia ka Kur Sookpoh Khatarwyrnai yei khlaad syndet u President ka Kur

Next

COVID-19: Hadien 47 sngi da boon biang da kiwa dang yoh ya kiwa chait, da poi 90 lak kiwa da dep yoh ha India