theme-sticky-logo-alt
theme-logo-alt
Advertisement ad1

Daw sdang yaka skur neibynta kiwa duna hei doh i pran ha East Jaiñtia

Advertisement ad1

Ka Kyrmen Foundation kawa da lai luti la 3 snem kattu wei da sdang nyngkong leh yei kaam deiwa lai e yarap yaki paidbah heipor yong ka khlam COVID-19, ynne ka sngi da pynbna paidbah ko wa daw sdang noh yaka skur wa kyrpang neibynta kitu ki bru wa duna hei dooh i pran ha chirup i yakrehlang waka Ephphatha Society kawi naka kynhun wa kreh neibynta kiwa duna i doh i pran.

Heijooh i por ka Kyrmen Foundation daw sdang haroh ko yaka Self Help Group neibynta yong ki.

Hei yaklam wa u President ka Kyrmen Foundation, u Fourness Dhar haka yalang pynpsiah pyrtuid ya kiwa duna hei doh i pran ha Khliehriat wada pynlai daka yung krehkaam u DC, kamjooh ka chnat Social Welfare waka Kyrmen Foundation wa kiwi, da khana u wa ini i sdang pynpsiah pyrtuid ynne ka sngi yaki bru wa duna i doh i pran hapoh ka District, neiliang ki chnat sorkar daw chim ki ka bynta deiwa e yarap lyngba ki Scheme, katwa ka Kyrmen Foundation won pynbna paidbah ko wa daw sdang noh yaka skur ha uni u snem ha chirup i yakrehlang waka Ephphatha Society. 

Khana haroh u wa ini i angnood u yarap ya kiwa kam kini ki bru hapoh Ri-loom Jaiñtia toh neibhah wa hapoh ka jylla ka skur neibynta kiwa duna i doh i pran dang toh du ka Bethany Society Shillong, kamtæ kyntu u yaki bei ki pa wow pynpsiah pyrtuid ki yaki khon ki kti yong ki ha kani ka skur kawa daw sdang ha East Jaiñtia.

Chooh chooh khana u wa kawi ka Society kawa na Silchar leh da bait ko u yakrehlang neibynta u yoh i tipmit naka sorkar India khang wa hadien waki khynnah Pass ki na kani ka skur u ye ki wow thooh kreh sorkar.

Heiyatoh wow sdang won yaka Self Help Group neibynta kiwa duna i doh i pran ong u wa daw pyrchang hei rukom wa ye hi ki u kreh hadooh wa ye ki u kamai jakpoh.

Hawa yoh u yaklam won wa u President ka Ephphatha Society u Emlangmi Sapuh, da e khublei u yaka Kyrmen Foundation wa dei em yong ka da ye u sdang wot yaka skur neibhah hawa du i bor yong ki hi ym pu ye ki u sdang.

Advertisement ad1
Share this:
Previous

Khut yaklam u Amit Shah ya u Conrad wa u Himanta ha ka 29 tarik wow pynbait ya u pood

Next

Psiah Semi Final saka Azariah ha Wahiajer