Daw thooh wei pynchitom ya ki Dalal wa pynpsiah tooh ya ki Bangladeshi: KSU – War Jaiñtia

Ka Khasi Students’ Union (KSU) – War Jaiñtia Circle da sñiawkhia ko wow tip wa em ki kattu katni ngut ki bru kiwa chim kabu wow man Dalal wa thmu u pynpsiah tooh ya ki nong Bangladesh cha kani ka thaaiñ.

Ka seiñ ha i yachem wa jhan da chim ko ya ka rai wow thooh wei pynchitom deiwa khor ya ki Dalal kiwa man kam kiwa dai ri kiwa chim kabu wow kamai poisa khlem kheiñ de yei maa wa ka jaitbru yang ko lada wan pynroi chnong ki nong Bangladesh.

Chooh chooh da khut lang ko ya ki paidbah yong ki thaaiñ khappood lada chem ki ya kam kini ki bru wow pyntip wut-wut cha ka seiñ khnang wow yoh ko u leh yeiwa emkaam.

Da kyntu leh ya ki paidbah wa chong chnong wow krehlang wa ka seiñ khnang wow chngaaiñ ka ri wa ka jaitbru.