Ka sorkar jylla da pyntip paidbah ko wa da em i pyndooh bordiñ hapoh Shillong, Tura wa Jowai kam chibynta yong ka Revamped Distribution Sector Scheme (RDSS) wow pynkhlan yei saam bordiñ ha ka jylla.
Kani ka Scheme kynthup ko wow pyndait ya ki 2600 tylli ki Transformer wa thymme, wow kylliang ya ki 3,800 km ki Wire warim wei wow booh hadooh 4300 km ki Line thymme.
Ka RDSS chongdor ko Rs.900 klur wei da pynkrehkaam ya ka khnang wow lai bait i rukom saam bordiñ ha ka jylla.
Neiliang u Chief Minister, u Conrad K Sangma da kular u ya ki paidbah wa daw yaleh katwa ye wow pynduna i thut ki paidbah nei pyndam bordiñ deiwa krehlang wa ka MeECL wa ka Power Department.
U Conrad da ong u wa sñiawkhooh bait wa i pyndooh bordiñ daw ktah i ya ki paidbah tangwa da leh yeini khnang wow suk wei wow pynkhlan yei rukom saam bordiñ hadien wei daw yoo yei myntoi wei miat i poi bordiñ ha kini ki sngi wow wan.
Discussion about this post