Daw wai noh ya ka Parking Lot kawa le mala ha Iawmusiang

Jowai : Ki sarok ha Jowai man ki kiwa khynñia bha heiwa dei langær sah ki kari khamtam ha Iawmusiang, kamtæ chibynta wow pynman ya ki sarok kiwa kyllooid, ka tnat PWD, Jowai South Division hapoh u Executive Engineer yong ka u ma M. Nongpluh da pyntip u wa daw wai paidbah noh ya ka wi ka thaw pynyieñ kari ha Iawmusiang.

Ya kani ka thaw pynyieñ kari kawa tip leh kam ka Parking Lot at Iawmusiang da chna hadien wa da e sñiawbha ka Balang Presbyterian, Jowai ya i thaw iwa em ha Yaaw Chyiap mar pyrchah ka skur HK Singh Memorial School.

Kani ka thaw pynyieñ kari em ko le mala, wei ha kawi ka mala ye u pynyieñ 30 tylli ki kari khian chisien pynyieñ neibhah kawi ka mala heh ko 30×15 metre wei ye u pynyieñ ya ki kari kamai kamjooh ki kari samen.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da chna ya ka hei lut kamwa T. 7 klur lyngba ka scheme Special Plan Assistance 13-14 yong ka sorkar jylla wei da pynkreh ya kani ka thaw da u ma J. Pde.

Da sdang u chna ya ka nadooh ka 14 Naitung (April) 2015 wei katkam ka kular (Work Order) toh u pyndep u chna hapoh 24 bnai iwa mut ya kani ka thaw da ye u chna pyndep du hapoh 20 bnai.

Hei yatoh wa i dor bai pynyieñ kari heini daw pynbait da ka Balang chirup wa ka PWD katkam ka soskular wa da soi.

U ma Nongpluh da pyntip u wa ya kani ka thaw daw wai paidbah noh ya ka da u Dr. R.C. Laloo ha kani ka 15 Kmaichonglad (December).

Neiliang ka tnat da khut sñiawbha ko leh ya ki paidbah wow wan sakhi ya kani ka sngi wai ya kani ka thaw kawa da chna kyrpang neibynta yong ki.