Ka sorkar da chna ko ya u sarok wa kyrpang wa ye leh u pynman kam u Emergency Landing Strip ya ki lieñsuiñ ka Indian Air Force uwa jrong 4.2-Kilometre wei heijooh i por man u leh u sarok Four-Lane HIghway ha Dibrugarh District ka Assam.
Ya uni u sarok daw wan wai da u Prime Minister Narendra Modi ha ka 14 tarik uni u bnai.
Ynnin ka 10 tarik da pynman leh ya ka Inspection chwa wow wan wai u Prime Minister ya uni u sarok.
Ya ka Inspection da leh da u Rituparna Baruah, Chairman ka Assam Tourism Development Corporation hei emlang u Ujjwal Phukan, Deputy Mayor ka Dibrugarh wa u Asim Hazarika, Chairman ka Dibrugarh Development Authority.
Ki heh sorkar da ong ki wa uni u sarok daw yarap u chiboon ya ki chipai Air Force ha Assam wa Arunachal Pradesh beibhah wa ye ki lieñsuiñ wa ha rukom u huar wei hær na oo.
Discussion about this post