Daw wai ya ka yung wa chna neibynta ka manyung wa dooh ha Mihmyntdu

Jowai: Ha ka khubor wa pyllait ynne ka sngi ha Jowai na u M.M.Thaiang, President ka Society of St. Vincent De Paul, St. Theresa Conference Jowai uwa man leh kam u President ka Jowai Area Council Jowai Diocese da pyntip u wa ha ka 9 tarik u Thohlakhmi (February) daw wai ya ka yung wa da chna neibynta kawi ka manyung wa dooh wa duk kawa em ha Mihmyntdu.

Kani ka yung toh kawa da kyrchaan poisa da ka Society of St. Vincent De Paul wei i yarap ymtoh deiwa pait ya ka niam.

Da ong leh wa ha kani ka sngi daw em leh kiwa lehbha yong kani ka Society kiwa da yarap poisa neibynta kani ka yung wei daw kyrkhu daw pynkyntang da ka Umkhooid Umkyntang da u Most. Rev. Victor Lyngdoh, Bishop ka Jylla niam Jowai.