January 29, 2018

Haka 4 Thohlakhmi ka Iukharist Proseshon wa i pynkyntang Lyngdohsohblei ha Sutnga

Jowai: Ha ka kyrwoh khubor wa phah na ka Parish Pastoral Council yong ka Parish Sutnga da ong wa ha kani ka 4 tarik February 2018 ka Parish Sutnga daw pynman ya ka Iukharist Proseshon wei ha kani ka jooh ka sngi daw pynkyntang Lyngdohsohblei ya ki arngut ki Deacon kitæ toh u Deacon Becare Orlando Dkhar wa ya u Deacon Lakhontre Sutong.

Ka Mass wa khooid wa ka Mass pynkyntang u sdang ha i por 10 waje i step wei ya ka Iukharist proseshon u sdang heipor 1:30 i sngi. Ha katai ka sngi ya waroh ki lehniam u pyndep da u Most. Rev. Victor Lyngdoh DD, Bishop ka jylla niam (Diocese) Jowai.

Advertisement ad1

Neiliang ki Father, ki Sister, ki Katekist, ka Parish Pastoral Council wa ki paaid ngaitniam ka Parish Sutnga da khut sñiawbha ya waroh wow wan cha kani ka proseshon Iukharist wow sakhi lang yei pynkyntang Lyngdohsohblei ya ki arngut ki Deacon.