Shillong: Ka Joint Parliamentary Committee on the Citizenship (Amendment) Bill, 2016 daw em ki ha Shillong ha kani ka 10 wa ka 11 tarik yow ap yei sñiaw na kiwa na baar jylla wa kiwa na baar ri lada em kiwa em hapoh ka jylla Meghalaya kiwa man leh ki khian paaid ha ka niam wa ka jaitbru kiwa wan na Afghanistan, Pakistan wa Bangladesh kam ki Hindu, Sikh, Buddhist, Jain, Parsi wa ki Christan kiwa chong wa sah hapoh ka jylla Meghalaya kiwa ye u chah ktah ha kani ka aiñ wa pynkylla ka wow rai ya ki kyndon wow man tre ri kawa tip kam ka ‘The Citizenship (Amendment) Bill 2016’.
Kani ka Joint Committee daw pynman ko ya ka yachemlang wa kiwa wan chong chnong buhai, ki NGO ki bru paidbah wa kiwi ha kani ka 10 tarik nadooh 2 waje i sngi ha State Convention Centre, Shillong yow sñiaw yeiwa sñiawthooh ki paidbah ya kiwa boon ki kyndon kani ka Bill.
Kiwa kwah u yachem wa kani ka Joint Committee toh u e ki da i thoh ha ka yungkrehkaam u Deputy Commissioner, East Khasi Hills District chwa ka 5 waje i janmiet ka 7 tarik uni u bnai deiwa thoh lang ya ki pyrtuid wa pura, i thaw sah waka phone number yow yoh u chimbynta ha ka yalang wa pynman kani ka Joint Committee ha kani ka 10 tarik.
Discussion about this post