U Prime Minister ka ri, u Narendra Modi daw chimbynta u ha ka Road Show ha Shillong ha ka 24 tarik uni u bnai.
Yeini da pyntip da u BJP State President, u Ernest Mawrie deiwa ong leh wa ini toh i sien wa nyngkong wa uwon uwon u Prime Minister u chimbynta u ha ka Road Show ha nongbah Shillong.
U Modi daw hiar u ha Upper Shillong Helipad wei daw lai u cha Jhalupara Point dep tæ cha State Central Library yow lai booh syntu ya ki khlawait ka jylla dep tæ u lai u cha Khyndailad wei daw chimbynta u ha ka yalang paidbah.
Kani ka yalang u pynman nadooh 11:00 waje i step hadooh 1:30 i sngi yow lait u pynthut ya kiwa lai skur wa kiwa lai kreh, da pyntip u Mawrie.
Da pyntip leh wa daw ya krehlang wa ki bor District yow lait nei chah ktah i lai i wan kamwa da jia ini wa dep wa wan u Prime Minister ha Shillong ha u Kmaichonglad (Dec) 2022.
Yei daw wa jied ya ka Khyndailad wow pynman ya ka yalang paidbah, da pyntip wa man ko hapyrdi neibynta ki kyrtong ka BJP kiwa yieñ yaleh na South Shillong, West Shillong, Pynthorumkhrah, North Shillong, East Shillong wa Nongthymmai Constituency.
