Hadien wa sdang kyndeh donhi ya ka seiñ Cockroach Janta Party (CJP), neiliang uwa sdang ya ka, u Abhijeet Dipke da ong u wa da pynkhreh u wow wan biang cha India wow pynman ya i yakhih wa jai-jai hanlada chah kem u leh.
U Abhijeet uwa da pyndep ya ka Master’s Degree ha ka Public Relations na Boston, USA daw poi u ha India ha ka 6 tarik uni u bnai.
Da ong u wa i daw wa ku ka Party toh nei chrai ki khynroo ka ri nei wym yoh kreh, i ku dor ki mar, i jia langær ya ki Exam kam ka NEET, CUET wa CBSE.
Chooh chooh da ong u wa ki lok kamjooh kiwa ha-yung u da tieñ ki lada liwan u neibhah wa ye u wow chah kem, tangwa oo won da ong u wa daw lai u da ka luti wa da booh katkam ki kyndon ka riti synchaar ka ri.
Heijooh i por da ong u wa mar poi u daw lai u cha Madan Jantar Mantar wow pynman yei yakhih wa jai-jai kamjooh wow dawa hiar chuki ya u Union Education Minister, u Dharmendra Pradhan neibhah wa em u i bahkhlieh yei mynried ki khynnah.
Discussion about this post