Jowai: Ka Dorbar Dong Mookynphad, Mihmyntdu da paan maap ko na ki paidbah neidaw wa kamwa da dep pynbna wa haka Fete yong ka dong daw wan pynwyrngia ki DJ Hard Candies kiwa na Ukraine haka 04-12-19, kiwa da pyntip (Hard Candies) wa neidaw wa ym yoh ki yaka VISA heipor wa biang yow psiah chapoh ka ri India, kamtæ da hap noh ki wow pynpep yei wan ki cha ka Fete. Da ong ki leh wa nachwa da jooh wan ki cha India wei biang hi i yoh VISA tangwa ha kani ka kynti da em i thut neidaw wym tip ki.
Neiliang ka Dorbar Dong Mookynphad da pyntip ki wa heithaw ki Hard Candies daw wan noh daka DJ Linda Erfolg kawa na Russia haka sngi nyngkong ka Fete haka 04-12-19. Ka DJ Linda Erfolg da wan pywyrngai ko ha ki 10 tylli ki ri wei ha u snem 2018 da yoh ko yei kyrdan wa 9 haka yakob Queen of Mashup 2018 International Female DJ Competition wa pynman ha Mumbai.
Chooh chooh da pyntip wa kiwi kiwa tem u neh ki kamjooh wa kynthup yaka DJ Olly Esse kawa na Italy (ka wo wan haka 5 tarik) wei ha waroh ar sngi ka 4 wa 5 tarik u Kmaichonglad (Dec) 2019, i dor ticket u neh i kamjooh wei ya kiwa da dep thied ticket u man hi ki kiwa krehkaam.
Discussion about this post