15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Dawa ka HYC wow sdang biang i kreh ha u sarok Athiabari cha Umshiak

0 Comments

Shillong: Ka HYC Rumuliang Area Unit ynne ka sngi da lai yachem ko ya u symbood montri rangbah ka jylla, uwa pait leh ya ka chnat PWD (Road) hei synraan ki waheh na ka Synjuk ki 9 Shnong, ki dkhot ka HYC WKHD, wa u President ka seiñ u Robert Kharjahrin.

Ka seiñ hadien wa yoo ko wa sangeh i kreh ya u sarok na Athiabari cha Umshiak uwa 6 Km wa da pynkreh lyngba ka Scheme PMGSY, ka sorkar da sangeh noh katni neidaw wa wan pynthut ki pulit Assam.

Kamtæ dei mynsien wa sñiawkhia ka seiñ da e ko da ka dorkhat ha u montri wow dawa wow chimkhia u sdang kreh biang ya u sarok wa da sangeh katni.

Hadien i yachem, neiliang u montri da kular u wow chimkhia hajrong kani ka kaam, deiwa phah ya u DC yong ka West Khasi Hills wow leh yeiwa emkaam.

Da pynrap u leh wa neiliang ki ar tylli ki jylla lyngba ki DC wow pynbait noh smat ya kani ka kaam wei wow e ya ka bui (report) na ka yachem yong ki.

Ka seiñ da kyntu ko ya u DC wow chimkhia ya kani ka kaam wei wow booddien leh ya ka.

Share this:
Previous

Daw wan noh daka DJ Linda Erfolg kawa na Russia heithaw ki Hard Candies haka Fete ka Mookynphad

Next

Psiah Semi Final sa ka Tyrchang ha ka 2nd Sñiawbhalang Football Tournament