Ka Chithi kawa man ka phlim thymme wa pynmih na Ri-loom Jaiñtia kawa dang dep pynyoo paidbah nynkong ini wa dep Jowai, daw pynyoo paidbah biang ka sa chisien ha District Library Auditorium, Mynthong, Jowai sa 6 sngi.
Kani ka phlim da dep wow wan pynyoo ka la ha 10 tylli ki chnong ka East wa West Jaiñtia Hills wei da yoh ko leh yei yaroh na kiwa da wan pait neidaw wa da riñ dur ka deiwa miat wa yahaap wa kini ki sngi ki por wei ka parom leh toh kawa ktik yei pyrkhat ki bru kawa da klam nadooh i rukom man ka yung ka sem ha ka imlang sahlang katni.
Kam wow pynkynmoo wa ya kani ka phlim da thoh wei da pynwandur da ka Simi Khongtiang kam ka Director wei da pynmih namo Produce da ka Anthill Production.
Ka Chithi toh ka phlim chaphang ka khynnah wa dang 14 snem kawa im waka beipun wa u papun ko tangwa em ko chiboon wa kwah ko u tip chaphang yong ka hi tangwa ym em wa bien u khana yaka kamtæ da chem ko ya kawi ka chithi kawa ye u e jubab yeiwa kwah ko u tip tangwa i lai luti ko ye i u wanrah chooh chiboon ki yukylli bar yeiwa pynsñiawthooh ya ka.
Ya kani ka phlim u sdang pynyoo ha District Library Auditorium nadooh ka 18 tarik hadooh ka 23 tarik uni u bnai (Dec) soo sien chi sngi deiwa sdang heipor 2:00 waje i sngi, neitæ heipor 4:00 waje noh chariñ ka sngi, 6:00 waje i janmiet wa 8:00 waje i miet.
Ha kani ka phlim da ak da ka Ekratia Khongtiang, ka Asunta Papang deilang wa u Petros RK Rymbai, ka Some Mary Dkhar, u Elizer Bareh, u Goldenstar Suchiang, u Korbarlang Syiemlieh, u Synranki Najiar, u Mathew Wanswett, u Sanjay Pradhan wa kiwi de.
Discussion about this post