Ka Dorbar Chnong Panaliar, Jowai daw pynman ko yaka Jowai Winter Carnival (Fete) ha ka 15 wa 16 tarik uni u bnai (Dec), 2023 ha madanbol ka chnong wei ha kini ki ar sngi daw em chiboon jait ki wow pyn ka-it ya phi nadooh ki baam wa ki yalehke wa boon jait deilang wa kiwa tem wa rwai wa paaw naam.
Ha ka sngi nyngkong kattæ ka 15 tarik, daw em ki wa tem wa rwai wa pawnaam napoh ka jylla yong i kamjooh na baar kam ki The Grassroots, ka Liza Lyngdoh neitæ ki Greg Fancon and the Band wei daw em leh ka Fashion Show wa leh da ka Red Flame wei ka Housie ha kani ka sngi man ko 1st Prize Rs. 30,000, 2nd Prize Rs. 10,000, 3rd Prize 5000 ki Line waroh Rs. 1000 wei i dor toh Rs. 300 chi Card.
Ha ka 16 tarik kawa man ka sngi wa khaddooh daw tem ki Hamartia, neitæ daw tem leh kawa tem Guitar wa paw naam ka Nagaland kawa tip kam ka Imnainla Jamir deilang kiwa tem yong ka kiwa tip kam ki The Fantastic Company wei daw em leh u DJ Onderkoffar uwa na Amsterdam.
Ka Housie ha kani ka sngi man ki kamni, ka 1st Prize toh Rs. 1,00,000, 2nd Prize Rs. 30,000, 3rd Prize 10,000 wei waroh ki Line toh Rs. 2000 kawi hei dor wa 500 chi Card.
Daw pynkhle leh yaka Express Lucky Draw wei kiwa jop daw yoh ki da ka Scooty wa ki iPhone.
Ka Lucky Draw kawa daw pynkhle ha kani hi ka sngi toh 1st Prize 4,00,000, ka 2nd Prize Rs. 1,50,000, ka 3rd Prize Rs. 50,000 wa 10 tylli ki Consolation Prize kiwa mar Rs. 5000 kawi.
Kamtæ da khutlang ya phi waroh khnang wa kani ka Carnival (Fete) u man ko kawa jop wei kawa phooh me phieñ.
I sap tem Guitar ka Imnainla Jamir ye phi wow pait heini ha wah hawa lai tem ko cha Vietnam.
Discussion about this post