Ka National People’s Party NPP yong ka West Jaiñtia Hills District ynnin ka sngi da pynman ko yaka yachem lang ha Jowai, wei da yaklam ki chiboon ki phang wa kynthup leh heiyatoh wa i pynkhreh yaka MP Election cha Lok Sabha wa daw wan.
Ha ka yalang wa pynlai da u Octomehiwot Lamin, District President ka NPP West Jaintia Hills, da e kti leh yaki chithi ksoh kaam cha ki 19 ngut ki dkhot kiwa man leh kam ki dkhot Executive Committee ka NPP West Jaiñtia Hills, hei emlang u MLA ka 2-Jowai constituency u Wailadmiki Shylla chirup kiwa yahkhmat yong ka jylla kam u State Secretary, u Dr. Donkupar War, ka Jasmine Lyngdoh State President yong ka Women’s Wing wa kiwi ki dkhot wa ksoh kaam ka NPP.
Ki pyrtuid ki dkhot wa ksoh kaam kynthup ki ya u President, u Octomehiwot Lamin, ar ngut ki Vice President kitæ u Thombor Shiwat (MDC) wa u Habahun Dkhar (MDC), neitæ u General Secretary, u Donboklang Kharjana, u Organising Secretary, u Eladmiki Suting, Office Secretary, u Girison Lamare, Publicity Secretary, u Larilang Oo Patwet, Treasurer, u Martu Sari, ar ngut ki Adviser wa kynthup ya u Stephenson Mukhim wa u Gilbert Sten.
Yei Block President Nartiang da ksoh u Hamkom Khyriem, u Block President Jowai, u Darilang Lamare, u Block President Raliang, u Heingeitmon Suchiang, u Block President Mowkaiaw, u Hertami Suchiang, u Block President Amlarem, u Het Pohthmi (MDC), u District Youth President, u Ebormi Lyngdoh.
Ki dkhot ka NPP West Jaintia Hills toh u Sniawbhalang Dhar (MLA), u Comingone Ymbon (MLA) wa u Wailadmiki Shylla (MLA).
Discussion about this post