Ka Muka Fiesta 2023 kawa daw pynman ha kani ka 21 wa 22 tarik kawa emlang leh ka yakob Miss Jowai haka 21 tarik, wei ha kini ki ar sngi u emlang kiwa rwai wa pawnaam napoh ka jylla, ki DJ napoh ka ri wa na baar ri kamjooh ka baam ka dih tynre wa i pynyoo rong ya ka dustur riti kamjooh ki mar wa pynmih napoh ka Ri-loom Jaiñtia.
Ha ka 21 tarik daw emlang leh u Siddharth Gupta uwa man kam u Actor uwa da ak nyngkong haka phlim Kuku Mathur Ki Jhand Ho Gayi wei uwa da ak leh haka Web Series wa tip kam ka Ragini MMS: Returns. Da man u leh kam u Host ka Pyaar Tune Kya Kiya waka Jhand Hogi Sabki hapoh ka MTV.
Najrong ki phlim da ak u leh ha kiwa boon ki Music Video.
Ha kani ka jooh ka sngi daw emlang leh ka Tejasswi Prakash kawa man kam ka Actress ha ki phlim Marathi wei da pawnaam ko haka TV Serial wa tip kam ka Swaragini-Jodein Rishton Ke Sur wei da ak ko leh ha ka Naagin 6 wa kiwi de.
Da chimbynta ko leh haka Fear Factor: Khatron Ke Khiladi ha u snem 2020 wei ha u snem 2021 da jop ko yaka Big Boss.
Ha kani hi ka sngi nyngkong daw em ka pynyoo riam namo ka Fashion Show da ka Butterfly Collection neitæ daw em kiwa rwai wa tem na ki ELEV8, ki Toxic Pony, ka Lily Sawian wei daw em leh ka DJ Party wa daw tem da u DJ Aminio.
Ha ka sngi wa ar katæ ka 22 tarik daw pteiñ da ka tem ka put da kiwa napoh Ri-loom Jaiñtia deilang wa ki DJ wa pawnaam kam u Romeo Blanco uwa na Belgium uwa da jooh tem ha Tomorrowland Festival la 6 sien. Daw emlang leh u DJ NYK uwa da jop yaka Bollywood DJ Award la le sien wa u DJ Vikash Kaser uwa na Pune.
Napoh ka jylla daw tem daw rwai ka Jessie Lyngdoh, ki Snow White wa ki Summersalt.
Kini waroh toh kiwa daw pynman ha Wahsang, Lad Mukhla wa em hajan ha nan Thadlaskein hadien wa Hotel Highwinds Lakeside.
Ya ki Ticket yei phi u thied Online deiwa lai ha ka SKILLBOX https://www.skillboxes.com/events/muka-fiesta wei u ye leh wow thied na ki dukan wa em ha Jowai, Shillong, Khliehriat wa kiwi kiwi de.
Yow sñiawthooh ya ki jait Ticket ye phi u puræ heini ha wah.
Puræ leh: Kajiak chaphang ki jait Ticket wa dai neibynta ka Miss Jowai
Discussion about this post