U Congress In-charge ka Meghalaya, u Manish Chatrath daw poi u cha Shillong myntu ka sngi hadien wa yoh ka Trinamool Congress ya 12 ngut ki MLA ka Congress.
Ini i jia da pynkylla ko yei dur ka saiñhima sima hapoh ka Meghalaya heiwa 12 ngut na ki 17 ngut ki MLA ka Congress MLA wa kynthup ya u Montri Rangbah warim wei kamjooh uwa yahkhmat ka Congress Legislator Party, u Mukul Sangma da psiah ki chapoh ka Trinamool Congress.
Ha heh dooh ka TMC kawa man leh kam ka Montri Rangbah ka West Bengal, ka Mamata Banerjee da dep ko wow ong wa daw em i kylla ha i saiñ pyrthai ha thaaiñ Northeast wei da kwah ko leh wow em ka TMC cha baar ka West Bengal.
Ini da jia i leh hadien 3 sngi wa u MP ka Congress na Bihar u Kirti Azad wa u JD(U) General Secretary u Pawan Varma wa u Ashok Tanwat uwa na Haryana da psiah ki cha ka TMC.
Ka TMC da pyrchang ko leh wow psiah cha Tripura deiwa yakhun ha ka Municipal Election, daw yakhun Election MLA ko leh ha Goa yow yaleh pyrchah ya ka BJP.
