theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

U lai ka NPP samen ha Manipur: Conrad

Advertisement ad1

U National President ka National People’s Party (NPP), u Conrad K Sangma heipor wa em u ha Manipur yow lai yalap Election, ynnin ka sngi da ong u wa ka NPP ym yaklam yatoh lok chwa ko wa kiwon kiwon ki seiñ saiñhima neibynta ka Election MLA kawa da pynman ha Manipur ha u 2022 wei daw yieñ bait ka Party samen ha ki yurim yong ka hi.

Yeini da ong u Conrad hawa jubab yeiwa kylli kiwa thoh khubor harood ka yalang yalap Election wa pynman ha HVS Complex, Imphal West.

Da ong won u leh wa daw pyrkhat wei yi u ya krehlang hadien wa da pynbna ya kiwa jop ka Election.

U Conrad da pynbna paidbah u leh wa ka Central Office ka NPP daw thung ko da ka Election Committee neibynta ka Manipur wei kani ka Committee daw jied ko ya ki kyrtong wei i rai kani ka Committee toh kawa khaddooh.

Ha ki ar sngi wa em u Conrad ha Manipur da yoo yei mih ki paidbah wei u Conrad da kular u leh wa ka NPP u man ko leh kawa heh dooh ka Party wow yoh yei jop ha ka Election wa daw wan.

Da pynbna u leh wa daw pynman ya ka National Conference ka National People’s Youth Front (Youth Wing ka NPP) ha Manipur ha ka 10 tarik u Kmaichonglad (Dec), yow yaklam ya ki phang wa ktah bha ya ki khynroo ka thaaiñ Northeast.

Ha ini i por wa em u Conrad ha Manipur da pdiang sñiawbha ya 3 ngut kiwa kwah u man kyrtong ka Party deilang wa kiwa kyrchaan yong ki kiwa da psiah cha ka NPP wei kini toh u Konthoujam Sharat naka Konthoujam Assembly Constituency, u Mayengbam Ranjit naka Wabagai Assembly Constituency wa u Maibam Dhanabir naka Hiyanglam Assembly Constituency.

Share this:
Previous

Jied Waheh Chnong thymme ka Dorbar Chnong Nartiang Pyllun

Next

Daw wan uwa pait ya ka Congress ha Meghalaya hadien wa yut ki 12 ngut ki MLA