U Prime Minister ka ri, u Narendra Modi daw wan wai u ya ka luti rel wa nyngkong ka Mizoram deilang wa ka Rajdhani Express ha ka 13 tarik uni u bnai wa kiwi de ki rel.
Kani ka rel daw pynyabi ko ya ka Sairang Station hajan Aizawl wa ka Anand Vihar Station ha nongbah New Delhi wei u sdang ko u lai nadooh ka 19 tarik uni u bnai.
Katkam ka Northeast Frontier Railway, ka Sairang–Anand Vihar Rajdhani Express u lai ko 2,510 km ha ki 43 kynta 25 minit deiwa lai ha ka Average Speed wa 57.81 km/hr.
Kani ka rel u em ko 20 tylli ki Daba namo Coach wei u man ko ka sien wa nyngkong wow pynyabi ya ka Mizoram wa ka nongbah ka ri.
Ha ka 13 tarik ka rel daw mih ko na Sairang heipor 10:00 waje i step wei u poi ko ha Anand Vihar ha ka 15 tarik heipor 7:30 i step.
Nadooh ka 19 tarik nawon, ka rel Train Number 20597 u sdang mih ko na Sairang heipor 4:30 i janmiet wei u poi ko ha Anand Vihar heipor 10:50 i sngi ha ka 21 tarik.
Kani ka rel daw sangeh ko ha ki 21 tylli ki Station khlem da kheiñ ya ka Sairang wa Anand Vihar wei kiwa rap heh ki Station toh ka Guwahati, New Cooch Behar, New Jalpaiguri, Malda Town, Bhagalpur, Patna, Pt Deen Dayal Upadhyaya Junction wa Kanpur.
U PM daw wai u leh ya ar tylli ki rel kawi ka wow lai man-ka-sngi na Sairang-Guwahati wa kawi kawa lai le sien chi tayaaw na Sairang cha Kolkata.
Daw wai leh ya ka luti rel chadooh ka chnong khappood ka Mizoram wa tip kam i Bairabi wei kani ka luti rel toh ka wow lai cha Sairang.
Discussion about this post