Daw wanrah ka Kiniho cha Jowai ya ki that Eri Silk wa chna hapoh Meghalaya

Ka Kiniho kawa man i pyrtuid wa bna naam na Meghalaya kam kawa thaaiñ that ryndia “Eri Silk”, daw pynman ko ya ka Exhibition & Sale ha Jowai ha ka 15 wa 16 tarik uni u December, 2025 deiwa ya krehlang wa ka Smoky Falls Tribe Coffee ha ka mala wa em haneiñ ka Federal Bank mar pyrchah ka madan Ladthadlaboh.

Ki that ki nep kiwa pynwandur ka Kiniho toh kiwa katkam ka juk wa katni deiwa yoh mynsien na ki khloo ki kjam ka Meghalaya, ka suiñbneiñ, ki parom tynre wei hadooh ki rong wa pynemkaam leh toh da kiwa khlem khleh dawai yow man ki that kiwa da thaiñ kiwa yoo kordor wei kiwa da chna kyrpang.

Kiwa wan ha kitai ki ar sngi ye ki leh wow thied, u pait u yoo ya kiwa boon ki jait yusem wa kiwi de kiwa da pynkhreh da ka Kiniho wei ye ki leh wow phah Order ya ki sari Pnar kiwa ye u thaiñ katkam wa kwah phi.

Ha kitai ki sngi daw yoh leh u maad ya ki Coffee wa da pynkhreh da ka Smoky Falls Tribe Coffee.

Related posts

I maham ya kiwa pynyap beiñ ya ki doh um ha tymbud ka Wah Myntang hapoh ka Elaka Nartiang | Da pynbna leh ar tylli ki Fish Sanctuary

October 5, 2026

Maham yakhih chah thngan kiwa yah kari ka Star Cement neidaw wa joor chah lehbeiñ ha ka Company

October 5, 2026

Kamtæ da khut sñiawbha ya phi wow wan sakhi ya kini ki mar wa kyrpang wa pynmih na Meghalaya da ki kti kitu kiwa em yei sap.