Shillong: Hadien wa ka National People’s Party da pynbna ko wow pynyakhun ya ki kyrtong MP ha waroh 25 tylli ki Constituency ka thaaiñ mihsngi, wa kynthup ya ka Shillong Parliamentary Constituency, neiliang ka United Democratic Party (UDP) da pynsñiaw ko wa daw yaklam biang wa ka NPP hajrong kani ka kaam neibhah ha Shillong da mynjur wow sai da u kyrtong monlang ka sorkar MDA, ya kawa da yooluti da u kyrtong ka UDP.
U Working President ka UDP u Bindo M Lanong da ong u wa ya katni waroh ki Party boonkaam ki heiyatoh wa ka Election MDC, tangwa heiyatoh wa u MP na Shillong ka Party daw yaklam biang ko wa ka NPP neibhah kamwa man katni dadep rai lang wow sai ya u kyrtong monlang na Shillong.
Da ong u wa ym slem de kiwa yahkhmat ka UDP daw yachem noh ki ya ki heh ka NPP hajrong kani ka kaam.
Discussion about this post