Ynne ka sngi ka seiñ MPUF-EJHD, da e dorkhat ko ha u Deputy Commissioner ka East Jaiñtia Hills wow phah ya ka NHAI (National HighWay Authority of India) wow chna pynmiat noh ya ki dooid ha tymbud u sarokbah NH-06 khamtam ha Khliehriat East wa Khliehriat West.
Ha ka dorkhat da ong wa neidaw wym em chna dooid da kiwa toh rukom wa da kiwa miat, ki bynta ka Laad Pohchnong, Laad Dongmootha, pyrchah ya ka Family Mart, Laad Block, pyrchah ya ka Laad Vika Complex wa kiwi kiwi man ki kiwa chlai khamtam heipor slap heiwa ka um wa jakhlia dapoi ko chadooh cha sarok iwa da pynchitom ko ya ki bru hawa lai wa wan.
Chooh chooh da ong wa ini waroh ym man iwa miat neibynta i chait i khiah wei kawa maa khamtam manda em ki mait wa ye u rah kjut du neidaw kani ka um dooid.
Hajrong ini waroh neiliang u Deputy Commissioner da kular u wow chimkhia yeini i dawa ka seiñ neibynta i bha i miat ki paidbah wa lai wa wan ha uni u sarok.
