theme-sticky-logo-alt
theme-logo-alt

Kyntait u Prestone wa em ki paar moo te oor khyndaw

U Symbood Montri Rangbah uwa pait leh ya ka chnat PWD (Roads), u Prestone Tynsong da ong u wa dadep hukum u ya u Secretary ka chnat PWD wow phah ya ki Executive Engineer yong waroh ki Division wow man kiwa paibniah wei wow pynkhreh nei kylla i suiñ-bneiñ iwa ye wow wanrah yei oor ki sarok wa ki luti syngkieñ.

Ynne i step da em i oor wa joor ha u sarokbah NH-40 ha u sarok Shillong-Dawki ha ka thaaiñ Siatbakon heiwa ym em wa mynsoo tangwa kawi ka kari Alto da piah ko hadien wa oor i khyndaw wa u moo wei da pynbood sa i sahkut ki kari da ki kynta.

U Prestone da ong u wa i oor wa i ktut ki sarok ye ki wow man ha iwon iwon i por neidaw wa kylla ka rymaw wa i kreh pynheh ya ki sarok.

Hajrong i oor u sarok Shillong-Dawki ha ka thaaiñ Rngain da kyntait u wa toh nei tih ya ki moo wa i em ki paar moo, tangwa da ong u wa lada slap, i oor khyndaw daw em bait i neibhah i oor man i chibynta wa da sdang wow pynheh ya ka sarok.

U Prestone da ong u wa da phah leh ya ka National Highways and Infrastructure Development Corporation (NHIDCL) wa ka Company wakreh sarok wow pynkhreh chwa ko wow pynkhooid lada em iwa oor.

Puræ leh: Joor i oor khyndaw ha u sarok Shillong-Dawki

Share this:
Previous

Ka Tura toh kawa da chah ieh da ki snem: Conrad

Next

Daw yoh kjut du nei wym biang chna dooid ka NHAI: MPUF