Daw yoh myntoi hadooh 3, 39,779 tylli ki manyung hadien wa pynyabi ya ka MHIS wa ka PMRSSM: Conrad Sangma

Jowai: “Hapoh ka Ayushmann Bharat Program, ka jylla da pdiang ko wow pynkhlan ya ki 32 tylli ki Health Sub-Centers kam ki Health & Wellness Centers. Ha Ri-Bhoi District, kawa man kam ka Aspirational District, 2 tylli ki PHC wa kynthup ya ka Umden PHC wa Mawhati PHC da pynkylla ya ki cha ki Health and Wellness Centres,” da ong u montri rangbah ka jylla, u Conrad K. Sangma ha ka yalang wa tip kam ka 4^th Meeting of the Governing Council of NITI Aayog ha sorbah New Delhi.

Da ong u wa hapoh ka Pradhan Mantri Rashtriya Swasthya Suraksha Mission (PMRSSM) ka jylla da rai ko wow jied ya ka Insurance Mode heithaw yong ka Trust Mode. “Ka sorkar jylla da soi ko ya ka soskular MoU wa ka sorkar pyrdi ha ka 14 Naiynru yong uni u snem wow pynyabi ya ka Megha Health Insurance Scheme (MHIS) wa ka PMRSSM wow e myntoi ya waroh ki manyung wei wow pynku ya ka Insurance na ka T. 2.8 lak cha ka T. 5 lak heiwa daw yoh myntoi hadooh 3, 39,779 tylli ki manyung kiwa da tipmit da ka sorkar India,” da ong u Conrad.

Da pyntip u wa hapoh ka Poshan Abhiyaan kawa em ka thong wow pait yei chait i khiah khamtam wa duna ki bor baam namo malnutrition, i kha yei khonboo wa duna i khia namo low birth weight wa i kjut snaam namo anaemia ha ki khynnah kiwa hapoh 0-6 snem, ki kynthai kiwa sdang khyllood, ki kynthai wa pun-khon, wa ki manbei wa e-bu khon, ha ka bynta wa nyngkong namo ka 1^st Phase da kynjoh ya ki san district, wei kiwa sah won sa ynru u sdang ha ka 2^nd phase.

“Hapoh ka Mission Indradhanush da pynkreh ha waroh ki District ka jylla wei hadooh katni da e dawai ya ki khynnah hadooh 83.66% ki khynnah hapoh ka jylla. Heiyatoh wa ka Aspirational District, katæ ka Ri Bhoi, i e dawai (Vaccination) ya ki khynnah da kynjoh i cha ka 89%. Neibynta i e dawai ya kiwa pun-khon da kynjoh hadooh 75% hapoh ka jylla wei neibynta ka Ri Bhoi District toh 96%,” da pyntip u Conrad.

Related posts

Pynbna ka VPP ya ki kyrtong MDC ha ka JHADC wa KHADC

November 13, 2024

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

Chooh chooh da pyntip u “Ka sorkar jylla dang pynkhreh ko ya ka Vision Document wa ya ka District Action Plan chirup wa ka District Indicators neibynta ka Ri Bhoi District wow kynjoh ya waroh ki bynta kiwa man kongsan ha ka imlang sahlang ya kiwa da kdaw wei tipmit da ka NITI Aayog, i stat i tip, ka um dih, ka rep ka riang wa kiwi kiwi khnang wow poi ha ka thong wa da booh ha ka SDG Goals ha u snem 2030.”