15 49.0138 8.38624 1 0 4000 1 https://wyrta.com 300 0

Da ki hajar klur mang ka sorkar jylla wow pynlut wow pynku ya ki kaam rep wa kiwi kiwi hapoh jylla: Conrad Sangma

0 Comments
Advertisement ad1

Jowai: U Montri Rangbah ka jylla u Conrad K. Sangma ynne ka sngi da klam bniah u chaphang kiwa boon wa ka sorkar jylla da sdang ko khamtam ha ka tnat ka chait i khiah wa ka rep ka riang wei yeini da ong u ha ka 4th Meeting of the Governing Council of NITI Aayog, kawa da khlieh da u Montri Rangbahdooh ka ri u Narendra Modi ha Rashtrapati Bhawan Cultural Centre ha New Delhi.

Ha kani ka yalang da em leh u Union Home Minister u Rajnath Singh wa kiwi ki montri ka sorkar pyrdi wa kiwi ki montri rangbah ki jylla deilang wa ki sahep ka NITI Aayog kamjooh ki sahep ki tnat ka sorkar pyrdi wa ki sorkar jylla.

Advertisement ad1

U Conrad da ong u wa emkaam wow pynku ya kiwa boon ki mar rep wa mih napoh ka jylla kam u chyrmit Lakadong, ki umngap wei ka sorkar leh da pynkhreh ko wow yaleh pyrchah yei kylla i suiñbneiñ namo ka Climate Change.

Da ong u leh waka sorkar Meghalaya da sdang ki ya ka Recycle, Reuse and Reduce wow pynsñiawthooh ya ki paidbah yei emkaam wow pynduna yei pynemkaam ya ki Plastic kawa haap hapoh ka “One Citizen, One Tree”.

Chooh chooh da ong u wa ya ki warep da yarap ya ki wow sñiawthooh ki ya jait mar rep wa yatoh wow rep ki wei da e cha ki ya ki Soil Health Card.

Ki Soil Health Card da e man ka ar snem cha ki warep yow yarap ya ki wow sñiawthooh yei chait i khyndaw wa rep ki wei kammon wow pynsboh biang lada duna i bor i khyndaw wa kiwi kiwi.

Da pyntip u leh wa ka jylla da em ko palat ya 125 ki yaaw nongkyndong kiwa dai ya ki mar rep tangwa kini ki yaaw dang duna ki kam ya ki kudam, ki sarok wow poi cha ki, ki dukan wa biang, ki thaw pynyieñ kari, ki thaw noh jhep wa kiwi kiwi.

Da ong won u wa ka sorkar jylla da leh ko ya kiwa boon ki kaam yow pynchlur wow seiñ ya ki Farmers Producers Organisations (FPOs) hapoh ka Mission Organic Value Chain Development for North Easter Region (MOVCDNER) kawa da sdang da ka Ministry of Agriculture and Farmers Welfare, wei katni da em 12 tylli ki Farmer Producers Companies (FPCs) kiwa kreh waroh i ha i heh i thaw 6000 Hectares ha ki 125 tylli ki chnong.

“Hapoh ka Meghalaya Livelihood and Access to Markets Project ka sorkar jylla thmu ko wow chna  250 km u sarok wow kyntu kynrong ya ka khayi pateiñ wa waroh ki Rural Development Block wei yeini da leh deiwa yakrehlang ki tnat sorkar (Convergence Mode) deiwa pynemkaam ya ka Plastic Cell Technology”, da ong u Conrad.

Chooh chooh chooh chooh da pyntip u wa ka sorkar thooh ko ki laad wow pyntikna wow sdang ki kreh hapoh yong ka MGNREGA kawa pynkreh da ka Village Employment Councils (VECs) heiyatoh wa ki tyllong umdih. “Em chiboon tylli ki chnong kiwa kwah wow yada wei wow pynneh ya ki tyllong um deiwa pynkreh lyngba yong ka MGNREGA wei kini ki kreh kynthup ki wow chna ya ki baan um, ki nan wow pynneh pynsah ya ki tyllong um deiwa thung dieñ wa kiwi kiwi,” da ong chooh chooh u.

Ha u snem 2017-18 da pynlut ya ka poisa wa kynjoh T. 1134 klur wei na kani T. 540 klur da pynlut neibynta ki kaam wa yatoh wa ka um. Ha u snem 2018-19, da mang T. 1200 klur wei na kani da pynlut T. 720 klur neibynta wow pynneh ya ka um.

Ki chnong da pynkreh ki leh ya ki kaam kiwa da ye wow pynlang um, wei da ye leh wow kyntu kynrong ya ka khayi pateiñ wa ka yoh ka kot ki paidbah ka chnong khamtam deiwa sñiawthooh ki VEC yei myntoi wa mih na i yada ya ka rymaw.

 

Advertisement ad1

0 Comments

Leave a Reply