Daw yoh næ ym yoh de ya ka poisa hawa da lait biang na ka CUET?

Ka sorkar jylla da ye ko u pynkohngooh ya ka sorkar pyrdi yow pynlait biang ya ka jylla Meghalaya nei pynkrehkaam ya ka Common University Entrance Test (CUET), tangwa i yukylli wa da mih wa lada lait biang na ka CUET, ka poisa won wa da dep su da kiwa thoh ya kani ka Exam daw yoh biang?

Hawa kylli na u Montri wa pait ya ka chnat puræ puthi ka jylla, u Rakkam A Sangma, da ong u wa ya kani ka phang daw yaklam wa ka National Testing Agency (NTA) ha Delhi yow pynuiñ biang ya ka poisa wei hadien wa dep u yaklam wa ka NTA, daw pyntip iyi i rai wa da e ko.

U Rakkam da khana u wa daw lai yaklam cha Delhi hajrong i eh wei duna lada pynman ya ka CUET, khamtam heiyatoh wa i su deiwa pynkynmoo wa i su toh iwi na iwa ktah ya kiwa lai puræ neibhah boon kiwa wan na ki manyung wa dooh wa duna i yoh.

Related posts

Sa katwon tylli ki mynsien u dooh chwa u wai mooyong | Lai kyrchaan ka JSU wa JNC ya u Marshall Biam

June 8, 2026

Da pynmih yei pyrtuid kiwa chah jied wow yaleh Personal Interview neibynta i kreh Block Office Assistant

June 8, 2026

Napyrdi kiwa da Register neibynta wow yakhun ya ka CUET hapoh ka jylla, da em kamwa 7000 ngut kiwa du neibynta ki Undergraduate (UG), khlem da kheiñ ya ki Postgraduate we i su neibynta ki UG man ko Rs. 800 samen wei ka poisa waroh wa da yoh lum na ki dapoi ko da ki phaw lak.