Ka Hill Farmers’ Union (HFU) da dawa ko naka sorkar T. 10 lak kam ka bai lutsan wa i dooh nong kiwa ri ngap nei tympra ki mrad khloo yaki ksiñ ngap ha kani ka chisnem tam.
Neiliang u President wa u General Secretary ka HFU da thoh ki cha u Principal Chief Conservator of Forest (PCCF) ka sorkar Meghalaya wow pyntip cha oo wa ha kini ki chisnem tam, da em palat 500 tylli ki ksiñ ri ngap kiwa da chah tympra haki mrad khloo haka thaaiñ Mawpyrthuh kawa em hapoh ka Pynursla Sub-Division, East Khasi Hills iwa da wanrah hadooh T. 10 lak ka dooh nong wa i lutphut ki wa ri ngap.
Kamtæ da dawa kani ka seiñ ki warep wow su bai lutsan T. 10 lak cha kini ki wa ri ngap yow khai waroh iwa da dooh nong ki wa iwa da pynlut ki.
Da pyntip leh cha u PCCF wa da em ki warep ka chnong Mawpyrtuh ini wa dep da chah kem ki neidaw wa yap kawi ka dngiem, kamtæ da kyntu yaka chnat wow wan pynman ko yaki yalang pynsñiawthooh paidbah hapoh kani ka chnong kamjooh ha waroh kawi ka jylla heiyatoh waki aiñ yada yaki mrad khloo wei neiliang ha HFU leh smat ko wow ya krehlang neibynta kani ka kaam yow lait nei ya tyngkhooh hapyrdi ki mrad waki bru.
Discussion about this post