Ka Khasi Students’ Union (KSU) ynne da lai wah Banner ko ha lait ka yung krehkaam u Superintendent of Police (SP), East Khasi Hills wa ha Secretariat yow dawa Resign noh u Vivek Syiem kam u SP yow man ka takit wa khooid heiyatoh wa ki kaam khrong poisa pyrchah aiñ ki pulit.
Ha kini ki Banner da thoh ki kyntien wow ong wa u Vikek da neh ware u da slem ha ka jooh ka District wei da toh u lai u cha Garo Hills najrong wow kem wei pynchitom ya kitu ki pulit kiwa emkti wow baam tooh.
Da kylli leh wa kammon da lai tympra yei trep wa chong ki pulit yow khrong poisa deiwa ong wa ini i trep man ko kam ka sabut ka sakhi wei ymtoh u tympra ka.
Da kylli iyi i bor u SP wow phah tympra ya kani ka trep kawa man kam ka “Crime Scene”, neibhah ymtoh u tympra ka kat wym pu dep u takit.
Hajrong kini da dawa wow hiar chuki kam u SP yow em ka takit wa khooid.
Kini ki Banner da pynbaad ki leh wa u Vivek toh uwa yoh bhah na kani ka poisa wa khrong ki pulit.
Discussion about this post