Ka seiñ All A’Chik Youth Federation (AAYF), ynne da phah khubor ko cha u Montri Rangbah ka jylla, u Conrad K Sangma wow pynkylla pyrtuid noh ya ka Meghalaya.
Da e daw wa hawa yoh ka Meghalaya wow man kam ka jylla ha ka 21 tarik u January 1972, da wan i hadien wa ka sorkar Assam da pynkrehkaam ko ya ka aiñ Assam Official Language Act heiwa da pynman ya ka ktien Assam kam ka Official Language iwa da booh hei eh ya kiwi ki jaitbru ri-loom kam ki Garo, ki Khasi wa ki Jaiñtia kiwa da em jar jiar i ktien u thylliej, ka dustur riti; wei yow yada ya kini da pynman da ka yakhih yow yoh noh da ka jylla wa kyrpang neibynta yong ki.
Da ong leh wa i yoh ya ka jylla toh neibynta wow yada ya i rukom im, i man kyrpang, i rukom chim jait na ka bei ymtoh deiwa pait wa kani ka thaw toh kawa boon ly’oh bha wa tymmoh ka.
Kamtæ da ong wa i pyrtuid Meghalaya iwa mut “Abode of the Clouds” hei ktien Sanskrit ym yahap wow tipmit ya ki le jaitbru wa em hapoh ka jylla.
Hajrong ini da dawa wow wanrah hapoh ka yung dorbar chna aiñ wa daw pynman yow pynkylla pyrtuid ya ka Meghalaya katkam ka Clause (e) ka Article 3 ka Constitution ka ri India.
Ka AAYF da tyrwa ko dei pyrtuid Khasi-Jaiñtia-Garo Land, lane ka Tribal Land lane ka Tribal State.
Da kyntu leh ya u Conrad wow wanrah u da oo ka Motion hapoh ka State Assembly manda pynman ka.
Discussion about this post