Dawa ka BJP wow booh yei dur u Tirot Sing hapoh Parliament

Ha ka yalang kynmoo warom ya ka lyngkhooh snem wa 189 U Tirot Sing Syiem, neiliang ka BJP Meghalaya da dawa ko wow tipmit hapoh ka ri ya uni u khlawait da ka sorkar pyrdi deiwa e thaw ya oo hapoh ka Parliament deiwa booh yei dur u.

Ka BJP da dawa ko leh wa ka Postal Department wow pynlait ko ya ka Stamp wow tipmit ya u Tirot Sing Siyem wei da dawa leh ya ka Education Ministry wow kynthup lang yei parom u ha ki kot ki sla yow e mynsien ya ki juk wa daw wan hapoh ka jylla wa hapoh ka ri.

Ya kini ki dawa da pynbna ha ka yalang wa da pynman ynne ha yung krehkaam ka BJP wa em ha Shillong heiwa da embynta lang u State Vice-President, u Khrawboklang Basaiawmoit, u National Council Member, u David Kharsati, u State Chief Spokesperson, u Mariahom Kharkrang, ka Dr. Fenela Lyngdoh Nonglait wa kiwi de.

Neiliang ka BJP da pyntip ko wa da pynman ko leh ya ki yalang kynmoo warom ha kiwa boon ki District ka jylla wei da pyntip leh wa daw phah dei thoh cha ka sorkar pyrdi heiyatoh wa ini iwa da dawa ki.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ka State Mahila Morcha hei yahkhmat ka President, ka Susuki Pariat wa ki dkhot ka BJYM hei yahkhmat u Youth President, u Mebaker Lyngdoh da lai booh syntu ki ha u motdur u Tirot Singh Syiem wa em ha State Central Library wei da pynman leh ya ki pynkhooid chnong yow pynsñiawthooh chaphang u Tirot Sing.