Ka Bharatiya Janata Party Meghalaya Unit da pynman ko yei yakhih pyrchah ynne ka sngi hajrong i chah pynbaad wa chah pyndik kiwa kreh ka Party ha ki pulit yong ka West Garo Hills District. Wei ya kani ka yakhih da pynman leh ha ka 30 tarik u bnai da dep ha Tura wei kamjooh ha nongbah Shillong ynne ka sngi khlem da yoh bor na ki bor District.
Ki dkhot ka BJP hapoh i yahkhmat u President, u Ernest Mawrie da mih ki ynne ka sngi hakhmat ka yung krehkaam kawa em ha Shillong, yow kbai pyrchah yei leh embor ki pulit wa ki bor District ka West Garo Hills ya kiwa kreh ka Party.
Neiliang u President ka BJP, u Ernest Mawrie da ong u wa ka Party ym yahaap ko yei leh embor yong ki bor pynlai District, heiwa ynne ka sngi hi da rai wow yachem wa u Lat ka jylla, u Satya Pal Malik yow lai booh syndon da ka dorkhat wow dawa pynkyrriah kaam noh ya u Deputy Commissioner wa ya u Superintendent of Police ka West Garo Hills yow lai bait ki takit hawa yatoh wa ki Case wa da mih dang ini wa dep.
