theme-sticky-logo-alt
theme-logo-alt
Advertisement ad1

Kular u Lat wow pynman da ka takit laitlooid yei chah pyndik kiwa kreh ka BJP

Advertisement ad1

Ka BJP Meghalaya lyngba u President yong ka, u Ernest Mawrie ynne ka sngi da thoh ki cha u Lat ka jylla, u Satya Pal Malik yow pynsñiaw yei pyrchah wa chah pyndik kiwa kreh ka Party ha Tura wa ha waroh kawi ka Garo Hills heiwa da kyrpaad ya u Lat wow tuklar u yow pynim yei hok ka synchaar paidbah.

Da pyntip cha u Lat wa ha ka 25-07-22, u General Secretary ka BJP Tura da chah ksoh u ha u SP ka Tura da boon kynta khlem em i daw wa biang wei u DC leh ym e bor u wow pynman yakhih deiwa jai jai ha Tura wei ini da man ko pyrchah yei hok manbru kamjooh i hok kiwa kreh ka Party heiwa da phah hajir ya ki ha ki pulit, da chah kylli takit ki ha ki pulit, wei da chah ksoh ki da ki kynta wei ini toh wa em i daw wa cha kylla wei i leh embor.

Kamtæ da dawa leh wow kyrriah noh ya u DC wa SP ka Tura deiwa ong wa ini toh i chah pynhiartput ka Party i wym jooh em jia hapoh ka jylla.

U Mawrie da pyntip u wa hadien i yachem wa u Lat, da kular u wow chimkhia yow phah thung da ka kynhun takit wa laitlooid hajrong katai ka ujor yong ka BJP, wei wow leh ya iwa emkaam hawa yatoh wow kyrriah noh ya u SP wa u DC ka West Garo Hills, khnang wa ka takit u man ko kawa lai bait khlem i tuklar.

U Mawrie da ong u leh wa iwa jia ha West Garo Hills ha kini ki kajiak sngi wa da dep nadooh i chah khynra ya ka Farmhouse Rimpu Bagan, i kem ya u Vice President ka Party uwa man leh u MDC ka Tura, u Bernard N Marak da em leh i chah pyndik kiwa yahkhmat wa kiwa kitkaam ka BJP ha Tura, wei waroh toh i buit yohnong Politics.

Advertisement ad1
Share this:
Previous

Dawa ka BJP wow kyrriah ya u DC wa u SP ka Tura

Next

Toh u pynpsiah bait ya waroh kiwa lai Class XI ha ki skur sorkar: JSU