Ka KSU Hingaria Unit deilang wa u Waheh Chnong ka Hingaria haka 7 tarik uni u bnai da lai yachem ki wa u Border Area Development Officer (BADO), East Jaiñtia Hills District yow lai e dorkhat dawa chna da ka yingkieñ wa pura ha Wah Amshymrit Hingaria Dong Thymme.
Da ong wa katni em ka yingkieñ wa chna yow yarap chipor ya kiwa chong chnong u lai u wan ki wei kani ka yingkieñ man ko kawa emkaam bha ya kiwa chong chnong ka Hingaria neibynta i lai i wan yong ki nadooh ki warep hadooh ki khynnah skur kawa pynyabi ya ka chnong wa ka luti wa poi cha ka chnong.
Kani ka yingkieñ wa em katni toh kawa da chna donhi dei bor ka chnong Hingaria da ki dieñ ki siej ka wym em man kawa chngaaiñ u pynemkaam tangwa ym yohsa khlem pynemkaam neidaw wym em laad de da kawi wei lada pteiñ u pynemkaam daw booh ko hei maa.
Kamtæ da dawa pynchna da ka yingkieñ kawa dei khyndaw-bilat neibhah ka yingkieñ wa katni manda joor u slap wei heh um toh ka wym man u pynemkaam hadooh wa ka chnong waroh kawi da chah ah lut ko wei ym lait de wow lai khih, lai khayi wei wow lai skur.
Hajrong ini da dawa da ka yingkieñ khyndaw-bilat kawa daw yarap leh ya kiwa chong chnong u pynku yei khih i khan ki waroh chi snem.
Discussion about this post