Neiliang ka Cyber Crime Wing ka Meghalaya Police deilang waka CID Meghalaya da pyntip ki wa em ki bru kiwa da chah dawa poisa katni deiwa pynemkaam da ki rynsan Social Media hadooh u WhatsApp.
Kini ki bru da pynyatoh lok ki wa kiwa pynemkaam Facebook, Instagram wei hadien manda ya jooh, da sdang ki wow yaklam wei da khut ki ya kini ki bru wow leh kiwa boon ki kaam lynbga ka Video Chat tangwa kini ki bru da Record lut ki ya ini waroh.
Kamtæ da maham ki wow phah ya ini i Video cha ki lok ki jor yong ki, cha ki kurim wei wow thaad u dai sarom ki deiwa booh ya ini i Video ha ka Internet lada ym su da ka poisa.
Lada jia kamni, ki pulit da ong ki wa thoh u Block noh ki kini ki bru, ymtoh wow booh leh yei pyrtuid wei Number ki hapoh ka Phone, ymtoh wow jubab ya kiwon kiwon ki wym tipmit kiwa Phone ha WhatsApp.
Kini ki bru daw Phone ki na kiwa boon ki Number kiwa daw maham wei daw em leh kiwa kam ya idæ kam ki pulit, ki muktiar, hadooh kam ki Judge ka yung bichaar ki wow pyntieñ yow su yaka poisa.
Tangwa ki pulit da ong ki wym toh u su wei wow Phone ha u Helpline-1930 næ wow pyntip ha ka Website www.cybercrime.gov.in.
Ki pulit da ong ki leh wa toh u pyntip cha waroh ki paralok ya kini ki bru wei ye phi leh wow booh ki Status/Stories wa em kam kini ki bru wa leh yeini i kaam.
Discussion about this post