Ka seiñ Confederation of Meghalaya Social Organizations (CoMSO) da thoh ko cha u Lat ka Manipur wow daw pynman da ka takit wa laitlooid deiwa thung da ka Judicial Enquiry yeiwa jia ya ka Abiel Salchiana Ch Marak kawa lai puræ Nurse ha Regional Institute of Medical Sciences (RIMS) wa em ha Imphal.
Ka Salchiana toh kawa da khlaad ha ka 14 tarik heiwa da ong wa da pynkut hi ko yei mynsien ko ha ka Hostel kani ka thaw puræ tangwa neiliang ka CoMSO da ong ko wa da jia ini neidaw wa joor chah pyndik ko wei chah lehbeiñ ko hadooh wa poi cha u pood wa leh ko yeiwa leh ko.
Kamtæ da emkaam wow kylli takit na kiwa sakhi, kiwa lai puræ wa kiwa bien wow khana yeiwa jia sakhiat yow chem tre yeiwa jia.
Ha iwi won i liang, u Speaker ka Meghalaya Assembly u Thomas A Sangma uwa man leh u MLA ka North Tura da ong u wa lada em i dawa wow pynman ya ka takit da hap wow leh tangwa ym pu kwah u wow ong iyi iyi yeini wa jia neibhah ka Salchiana toh kawa napoh ka Constituency u wei ini wa jia toh iwa sñiawsih bha.
Da ong u leh wa daw lai yachem u wa kiwa ha-yung ha-sem ko wei daw ap yeiwa ong ki.
Discussion about this post