15 49.0138 8.38624 1 0 4000 1 https://wyrta.com 300 0
Advertisement ad1

Dawa ka EJNC wow pynsakhiat ki karkhana wa ki wakreh yong ki toh ki tre ri

0 Comments
Advertisement ad1
Advertisement ad1
Advertisement ad1

Jowai: Hadien wa pynmih ka sorkar India lyngba ka Registrar General of India, Ministry of Home Affair ya ka Draft List yong ka National Register of Citizen (NRC) neibynta ka jylla Assam, wa hadooh 40 lakh ngut kiwa chong chnong yong ka jylla Assam ki wym mih pyrtuid ha ka NRC, ka seiñ EJNC da ong ko wa kini kiwa chah kyntait da boon ki palat yei boon bru ka jylla Meghalaya wei ye ki u wan tooid cha ka jylla yong i wow rieh tngen.

Heiyatoh wa ini ka East Jaiñtia National Council (EJNC) – Central Executive Council, da lai ko wow e chithi ha ka yungkrehkaam u Deputy Commissioner (DC) ka East Jaiñtia Hills District.

Ha kani ka chithi ka seiñ da pynkynmoo ko yei maa wa khroo wa yang lada ki baar-ri wa ki baar jylla u yohlaad ki wow wan psiah chapoh ka EJH kawa yajan bha wa ka jylla Assam lyngba ka chnong Ratacherra, kamtæ hajrong kani ka yurim neiliang ka EJNC da dawa ko na ki bor District wow pynkhlan wow paitbniah yei psiah ki bru ki wym biang ya ki kot ki sla ha ka Infiltration Check Gate kawa em ha chnong Ratacherra yow khnang laad ya kiwa psiah chapoh ka jylla pyrchah ya ka aiñ  khamtam kiwa yut na Assam, wei neiliang u DC da ong u wa deiwa krehlang wa ki pulit daw leh ki yeiwa emkaam.

Chooh chooh ha kani ka chithi ka EJNC da kyntu ko leh ya u DC wow khut yalang ya ki karkhana pynmih khyndawbilat kamjooh ya ki Dorbar Chnong wow yaklam hajrong kani ka phang wa waroh kiwa kreh na baar jylla kiwa kreh hapoh kini ki karkhana wow pynbiang ki ya ki kot ki sla yow pyntikna wa kiwa kreh toh sakhiat ki tre ri India wei ki karkhana emkaam ki wow pynsakhiat ya ini ha ka yungkrehkaam u DC wei u DC leh da kular u wow chimkhia ya ini wa dawa ka seiñ.

Advertisement ad1

0 Comments

Leave a Reply