Ka FKJGP-Khliehriat Circle ha ka 10 tarik uni u bnai hadien wa yoh chiboon ki ujor na ki paidbah heiyatoh wa i ku ka bai bordiñ, da lai yachem ko wa u Executive Engineer ka MePDCL Moowakhu East Jaiñtia Hills, u M.L. Pohshna uwa da kular wow lai pynman yei pynsñiawthooh paidbah yow lait nei suba sih.
Neiliang ka seiñ da dawa ko wa toh u pynsñiawthooh kammon kheiñ bai bordiñ, u pynsñiawthooh ya kiwa wan paan pyndait bordiñ thymme wei kammon u thang bordiñ ki yow tip ki kammon baam bordiñ yow lait nei sñiawthooh bakla.
Da toh leh u booh ya ka Help Desk neibynta ki paidbah khnang yow suk ki wow yoh yei jubab kamjooh toh le u sikai kammon wow su da ka Online yei bordiñ yow lait u sepai i por yow lai su bai bordiñ.
Toh leh u pynsñiawthooh paidbah wa toh u su bai bordiñ hapoh 15 sngi nadooh wa poi ka bai bordiñ.
Discussion about this post