Ka Federation of Khasi Jaiñtia & Garo People (FKJGP) West Jaiñtia Hills, ynne ka sngi da lai yachem ko ya u EM In-charge ka Trading License ka Jaiñtia Hills Autonomous District Council (JHADC), u Jesse Suiam wow dawa pynkhor wow e Trading License ya ki baar jylla.
Ka seiñ da sñiawkhia ko hajrong i yoh Trading License suk ki baar jylla wow kreh ya ki jait kreh wa ye ki tre jylla u leh.
Neiliang ka seiñ da ong ko wa da tip ko wa ya ka Technical Bid Evaluation Summary on Rehabilitation and Improvement of Basic Facilities of Myntdu Leshka Stage-1 ha West Jaiñtia Hills District, Meghalaya Under DRIP-II (Package- VI) da yoh kreh da uwi u baar jylla.
Kamtæ da kyntu ko ya ka Council wow dam u e Trading License ya uni u baar jylla neibhah wa ki bru na ka jylla leh ye ki u kreh katkam i dawa ka Meghalaya Power Generation Co-operation Limited (MePGCL).
Hadien ini i yachem neiliang u President ka seiñ, u Marhok Myrboh da pyntip u wa u EM ka Council da kular u wow chimkhia yeini.
Discussion about this post